Судан БАӘ-ге қарсы халықаралық сотқа шағым түсірді
АСТАНА. KAZINFORM — Хартум Халықаралық сотты БАӘ-ні өтемақы төлеуге мәжбүрлеу және басқа да бірқатар талапты орындау үшін уақытша шаралар қабылдауға шақырды, деп хабарлайды Kazinform тілшісі.
Судан сәрсенбі күні Біріккен Араб Әмірліктеріне қарсы БҰҰ Халықаралық сотына шағым түсіріп, оларды азаматтық соғыста Суданның көтерілісшілеріне — жедел әрекет ету күштеріне әскери, қаржылық және саяси қолдау көрсету арқылы Батыс Дарфур «Масалиттегі геноцидке қатысы бар» деп айыптады.
Хартум Біріккен Араб Әмірліктерінің Жедел әрекет ету күштерін қолдау арқылы «геноцид, кісі өлтіру, мүлікті ұрлау, зорлау, күштеп көшіру, шетел аумағына заңсыз кіру, қоғамдық мүлікті қирату және адам құқықтарын бұзуға» ықпал етті деп мәлімдейді.
PRESS RELEASE: #Sudan institutes proceedings against the #UnitedArabEmirates before the #ICJ and requests the Court to indicate provisional measures.https://t.co/ZA8SFz8qIK pic.twitter.com/gUz2lgwhqm
— CIJ_ICJ (@CIJ_ICJ) March 6, 2025
Шағымда БАӘ-нің «2023 жылдан бері Судан Республикасындағы масалит халқына қарсы геноцидке байланысты» шара қолданғаны айтылған.
Судан халықаралық соттан төтенше шара қабылдауды сұрап, БАӘ-ні «геноцид туралы Конвенцияның II бабына сәйкес келетін кез келген әрекеттің, соның ішінде топ мүшелерін өлтіру» және «топ мүшелеріне ауыр дене жарақатын келтіруді» болдырмау үшін өз өкілеттіктері шеңберінде барлық шараны қабылдауға шақырды.
БАӘ Суданның айыптауларынан үзілді-кесілді бас тартып, істі «циникалық PR-қадам» деп атады және оны дереу тоқтатуға тырысамыз деп мәлімдеді. Абу-Даби елдің Судан күштерімен бір жылға жуық күресіп келе жатқан ҚББ-ға қару-жарақ пен оқ-дәрі жеткізді деген айыптауларды жоққа шығарды.
БАӘ Сыртқы істер министрі Анвар Гаргаш Х әлеуметтік желісінде хабарлама жариялап, Суданның басымдығы медиа манипуляциясы емес, абсурдтық және жойқын соғыста атысты тоқтату болуы керек екенін айтты.
Қазірдің өзінде Суданның 18 штатының 13-іне қақтығыс болып жатыр.
Миллиондаған адам азық-түлік тапшылығынан аштық пен өлімге тап болып, гуманитарлық апат жақындап келе жатқаны туралы ескертілді, соғысты тоқтату туралы халықаралық үндеулер артып келеді.
Ақпан айында Суданда әскери ұшақ апатқа ұшырап, кем дегенде 46 адам қаза тапты.
2024 жылдың тамыз айында Суданның Денсаулық сақтау министрлігі елде тырысқақ індетінің өршіп тұрғанын хабарлады.
