Сырдария ауданында биыл білім саласына 196 954,0 теңге қаржы бөлінді - Қызылорда облысы

ҚЫЗЫЛОРДА. Қыркүйектің 8-і. ҚазАқпарат /Жаңагүл Сердалы/ - Қызылорда облысы Сырдария ауданында биылғы оқу жылында білім саласына 196 954,0 теңге қаржы бөлінді. Бұл өткен жылғы деңгейге қарағанда, 82 пайызға артық.

Осылайша қамқорлық жасаудың арқасында биыл ауданда 10 мектеп пен 4 балалар бақшасы күрделі жөндеуден өткізілді. Мұның сыртында қалған барлық мектептер мен балалар мекендері ағымдағы жөндеуден өткізілді. Сонымен қатар 15 012 теңгеге оқулықтар сатып алынды. Осының негізінде ауданда оқушыларлардың 95 пайызын тегін оқулықтармен қамтамасыз етуге қол жетті.