Тағы бір блогерге іздеу жарияланды
АСТАНА. KAZINFORM – Қаржы мониторингі агенттігінің Астана қаласы бойынша экономикалық тергеу департаменті тағы бір блогерге іздеу жариялады.
Бұл жолы 26 жастағы Махмуд Хикматов онлайн казино ісі бойынша іздеуде жүргендер тізіміне енгізілді.
Айта кетейік, кеше Қазақстан Республикасының Бас прокуратурасы мен Қаржылық мониторинг агенттігінің қызметкерлері Қазақстанның Вьетнам Социалистік Республикасындағы Елшілігінің қолдауымен құмар ойындарын жарнамалаған күдікті Қайсар Қамзаны экстрадициялады.
Тергеп-тексеру органының нұсқасы бойынша 2025 жылғы қаңтарда ол әлеуметтік желілер мен мессенджерлердегі ауқымды аудиторияны пайдалана отырып, сыйақы үшін заңсыз интернет-казино жарнамасын орналастырған және Қазақстан азаматтарын құмар ойындарына қатысуға тартқан.
Интернет-казиноны насихаттағаны үшін оның криптовалюталық әмиянына 200 мың АҚШ доллары түскен.
