Таяу Шығыстан қазақстандықтарды қайтару үшін 21 репатриациялық рейс орындалды

АСТАНА. KAZINFORM – Таяу Шығыстан 3500 адам қайтарылды. 

Air Astana компаниялар тобы 10 наурызда Air Astana/FlyArystan әуе компанияларының жолаушыларын Маскаттан (Оман) Алматыға қайтару үшін 2 репатриациялық рейс орындады.

Әуе компаниясы жолаушыларға Дубайдан Маскатқа тегін трансфер қамтамасыз етті.

Тағы бір рейс Сыртқы істер министрлігімен бірлесіп Жиддадан Атырауға ұйымдастырылды.

Наурыздың 3 мен 10 аралығында компаниялар тобы Медина, Жидда және Маскаттан 21 репатриациялық рейс (топтың 8 рейсі және СІМ-мен бірлесіп 13 рейс) орындап, Қазақстанға 3500 жолаушыны қайтарды. 

Еске салсақ Таяу Шығыстан 9517 қазақстандық оралған еді.