Төрехан Асанхан ауыр атлетикадан Азия чемпионатында күміс жүлдеге ие болды
АСТАНА. KAZINFORM — Ташкентте (Өзбекстан) өтіп жатқан жасөспірімдер арасындағы Азия чемпионатында Қазақстан құрамасының қоржынына күміс жүлде түсті, деп хабарлайды ҰОК баспасөз қызметі.
Төрехан Асанхан 70 келіге дейінгі салмақта жас жеткіншектер арасында екінші орын алды.
Ол қоссайыс қорытындысы бойынша 269 (119+150) келіні еңсерді.
Таиланд өкілі Витчая Пратхумта алтын жүлдеге ие болды — 273 (119+154) келі.
Иран спортшысы Реза Замани үздік үштікті түйіндеді — 268 (122+146) келі.
Бұған дейін Ксения Прозорова Ташкентте ауыр атлетикадан Азия және әлем рекордын жаңартқанын жазғанбыз.
