Трамп Путинмен ақпанның соңына дейін кездесуі мүмкін екенін мәлімдеді

АСТАНА. KAZINFORM — АҚШ президенті Дональд Трамп Ресей президенті Владимир Путинмен ақпанның соңына дейін кездесуі мүмкін екенін айтты, деп хабарлайды ВВС. 

Америка президенті Флоридадағы Мар-а-Лаго резиденциясынан шығып бара жатқанда, тілшілердің бірі одан кездесу айдың соңына дейін бола ма деп сұрады.

— Мүмкін, — деп жауап берді Трамп.

Бұған дейін Ресей президентінің көмекшісі Юрий Ушаков америкалық және ресейлік делегациялардың Эр-Риядтағы келіссөздерінің қорытындысы бойынша Путин мен Трамптың кездесуінің нақты күнін атау қиын екенін мәлімдеген.

Оның айтуынша, кездесудің келесі аптада өтуі екіталай.

Еске салсақ, кеше Сауд Арабия астанасы Эр-Рияд қаласында АҚШ пен Ресей делегациясы келіссөздері басталғанын хабарладық.