Трамптың кесірінен Tesla компаниясы тек баж салығына бола 300 млн доллар жоғалтты

АСТАНА. KAZINFORM — Tesla компаниясының таза пайдасы екінші тоқсанда 16%-ға төмендеп, 1,2 млрд долларға жетті, ал электромобильдерінің сатылымы 12%-ға қысқарды, деп жазды DW.

Tesla қаржы директоры Вайбхав Танеджидің айтуынша, қосалқы бөлшектер мен аккумуляторларды импорттауға салынған жаңа баж салығынан компания 300 млн доллардан астам шығынға ұшырады. Сонымен қатар, брендтің әлемдік электромобиль жеткізілімдері 13,5%-ға қысқарып, 384 мың көлікке дейін төмендеді. Әсіресе электромобиль нарығы үшін дәстүрлі маңызды Калифорнияда құлдырау 20%-ға дейін жетті.

n-tv басылымының атап өтуінше, Масктың басқа бизнес-іскерліктері де қиындыққа тап болған. Миллиардер Дональд Трамппен ашық қақтығыс жағдайында АҚШ үкіметі xAI және SpaceX компанияларымен жасалған мемлекеттік келісім-шарттарды тоқтату мүмкіндігін қарастырып отыр. 

Бұған дейін Пентагон xAI компаниясымен 200 млн долларға дейінгі келісімшарт жасалғанын хабарлаған еді, ал SpaceX АҚШ-тың зымыран қорғаныс жүйесі «Алтын күмбез» жобасының ықтимал әзірлеушісі ретінде аталды. Бұл жобаның идеясы Трампқа тиесілі.

Айта кетейік, бұған дейін Tesla Optimus өндірісін уақытша тоқтатқанын жазған едік.