Үкімет үйінде экономикалық қарым-қатынастарды тереңдету мәселелері талқыланды
Бүгін Үкімет үйінде Қазақстан Республикасының Премьер-Министрі Кәрім Мәсімов Шанхай ынтымақтастық ұйымы Іскерлер Кеңесінің Басқарма Төрағасы (ШЫҰ ІК), РФ Федерация Кеңесі Төрағасының орынбасары Дмитрий Мезенцевпен кездесті,
деп хабарлайды ҚазАқпарат ҚР Үкіметінің баспасөз қызметіне сілтеме жасап. Кездесуде ШЫҰ Іскерлер Кеңесінің жұмысын және Ұйым аясында экономикалық қарым- қатынастарды тереңдету мәселелері талқыланды.Д.Мезенцев ШЫҰ ІК ынтымақтастықтың экономикалық қырларын жан-жақты талқылауға мүдделі екенін білдірді. Осы орайда ШЫҰ Іскерлер Кеңесінің Басқарма Төрағасы Д.Мезенцев ҚР Премьер-Министрі К.Мәсімовті биылғы маусым айында өтетін ХIII Петербор халықаралық экономикалық форумының жұмысына қатысуға шақырды.«Біз Қазақстан делегациясы үкіметтік блоктан және бизнес өкілдерінен құралады деп сеніп отырмыз»,- деді Д.Мезенцев. Сондай-ақ ол «Қазақстан бастамалары ШЫҰ Іскерлер Кеңесінің әрі қарайғы жұмысына серпін беретініне» сенімді екенін білдірді.
