Ұлы Жеңіс мерекесі қарсаңында Қызылордада ардагерлерді кезекті медиициналық тексеруден өткізу жүріп жатыр

ҚЫЗЫЛОРДА. 6 мамыр. ҚазАқпарат /Жаңагүл Сердалы/ - Жылдағы дәстүрге сай Ұлы Жеңіс мерекесі қарсаңында Қызылордадағы диагностикалық кеңес беру орталығының дәрігерлері Ұлы Отан соғысының ардагерлері мен тыл еңбеккерлерін алдын ала медициналық тексеруден өткізуді қолға алды.

- Дәрігерлеріміз сенбі күні де осы бағытта жұмыстар жасап, қартарды жан-жақты тексеруге күш салды, - дейді орталықтың бас дәрігері, медицина ғылымдарының кандидаты Кенжәлі Тілеубердиев. - Жасыратыны жоқ, бұл күндері олар тіпті тегін жұмыс жасады. Адамзатты апаттан алып қалған ардагерлер саны қазір санаулы ғана. Ал оларға қандай құрмет жасаса да жарасады. Соны біздің дәрігерлеріміз жақсы түсінген.

Тексеруден өтуші ардагерлер шынында да дәрігерлердің қызметіне шын ризалықтарын танытып отыр.