Үржар ауданында аусыл індеті әлі ауыздықталмай отыр - ШҚО

АСТАНА. 28 мамыр. ҚазАқпарат - Шығыс Қазақстан облысы Үржар ауданында аусыл індеті әлі ауыздықталмай отыр,

деп хабарлайды Аltaynews.kz сайты.

Соңғы деректер бойынша, Ақшоқы ауылында індетке шалдыққан және ауру малмен бірге жайылған ірі қара малдың 1375 басы құртылды. Ауру мал өртеліп, мал қорымына көмілді.

Облыстық ТЖД-нің баспасөз қызметінде хабарлағандай, індет ошағын арнайы ерітіндімен залалсыздандыру жұмыстары үздіксіз жүріп жатыр. Бүгінге дейін 1 пайызды «Кристалл-900» ерітіндісімен радиусы 5940 шақырым аумақ залалсыздандырылған .

3453 бас ірі қара мал мен 4962 ұсақ мал аусылға қарсы егілді. Аулаларда ауру малдарды анықтау әлі де жалғасуда. Тұрғындарға аусыл індеті жайлы түсініктеме жүргізу шаралары қолға алынған.