Үш облыста боранға байланысты жабылған жол қайта ашылды

АСТАНА. KAZINFORM - ҚазАвтоЖол боранға байланысты жабылған жол ашылғанын хабарлады. 

2025 жылғы 9 желтоқсан сағат 12:00-де келесі республикалық маңызы бар автожолдарда көліктің барлық түрі үшін қозғалыс ашылды:

Ақмола облысы:

- «Астана – Шідерті – Павлодар – Үспенка – РФ шекарасы» автожолының 36-200 шақырым аралығы (Софиевка ауылы – Павлодар облысының шекарасы).

Павлодар облысы:

- «Қалқаман – Баянауыл – Үміткер – Ботақара» автожолының 0-231 шақырым аралығы (Қалқаман ауылынан – Қарағанды облысының шекарасына дейін);

- «Астана – Шідерті – Павлодар – Үспенка – РФ шекарасы» автожолының 256-431 шақырым аралығы (Шідерті ауылынан – Атамекен ауылына дейін).

Қарағанды облысы:

- «Қалқаман – Баянауыл – Үміткер – Ботақара» автожолының 231–324 шақырымы аралығы (Павлодар облысының шекарасы – Ботақара ауылы).

Еске салсақ, бұған дейін үш облыстағы республикалық маңызы бар жолдарда көлік қозғалысы шектелгенін жазған едік.