Зеленский Ақ үйдегі сәтсіз келіссөздерге қатысты түсініктеме берді

АСТАНА. KAZINFORM — Украина президенті Владимир Зеленский 28 Ақпанда АҚШ президенті Дональд Трамппен кездесуі кезінде болған келеңсіз оқиғаға өкінішін білдірді, деп хабарлайды Kazinform ТАСС-қа сілтеме жасап.

— Жұма күні Вашингтондағы Ақ үйдегі кездесуіміз ойдағыдай болмады. Бұлай болғаны өте өкінішті. Бәрін түзететін уақыт келді, — деп жазды ол Х әлеуметтік желісіндегі парақшасында.

Зеленскийдің сөзінше, Украина одан әрі ынтымақтастық пен қарым-қатынастың сындарлы болғанын қалайды.

— Пайдалы қазбалар мен қауіпсіздік туралы келісімге келетін болсақ, Украина оған кез келген уақытта және кез келген ыңғайлы форматта қол қоюға дайын, — деп қосты ол.

I would like to reiterate Ukraine’s commitment to peace.

None of us wants an endless war. Ukraine is ready to come to the negotiating table as soon as possible to bring lasting peace closer. Nobody wants peace more than Ukrainians. My team and I stand ready to work under…

— Volodymyr Zelenskyy / Володимир Зеленський (@ZelenskyyUa) March 4, 2025

Еске салсақ, 28 Ақпанда Владимир Зеленский Ақ үйге келді. Келіссөздер алдында баспасөз құралдарының сұрақтарына жауап беру кезінде Трамп пен Зеленский сөзге келіп қалды. Салдарынан Украина мен АҚШ арасындағы пайдалы қазбалар туралы келісімге қол қою рәсімі, сондай-ақ келіссөздер қорытындысы бойынша баспасөз конференциясы өтпей қалды.