Жер сілкінісіне байланысты жедел желі телефоны іске қосылды
АСТАНА. KAZINFORM — Бүгін ҚР ТЖМ «Сейсмологиялык зерттеу институты» ЖШС сейсмикалық станциялар желісі Астана уақытымен 21 сағат 13 минутта жер сілкінісі тіркеген еді.
Жер дүмпуінің Қазақастанның кейбір өңірлерінде де сезілуіне байланысты Жамбыл облысы ТЖД-де «жедел желі телефонын» іске қосты.
Жер сілкінісінің әсерінен қандай жағдай болса төмендегі нөмірге қоңырау шалуға болады:
8(7262)513575, 514167
Төтенше жағдайлар министрлігі жер сілкінісі кезіндегі 10 қарапайым қадам жасалатынын ескертті:
- Жер дүмпуі кезінде үрейленбеңіз;
- Жер сілкіну кезінде лифт және баспалдақпен қолданбаңыз;
- Жиhаздан, терезеден, ары тұрыңыз;
- Жасырынатын жерді табыңыз - жоғарғы қабаттарда негізгі іргелі қабырғалардың бұрышында орын алып жасырыңыз;
- Ғимараттан шығыңыз (төменгі қабаттарда);
- көп қабатты үйлерде жер сілкіс аяқталған соң ғимараттан шығыңыз; - Кетер алдында суды, газды, электр қуатын мүмкіндігіңізше өшіріңіз;
- Дабыл жол сандығын алыңыз (алдын ала дайындау қажет);
- Электр желілерден , ғимарат, ағаштардан аулақ болыңыз;
- Жер сілкінуіне дайын болыңыз;
- Қарт адамдарға, балаларға, мүмкіндігі шектеулі адамдарға көмек көрсетіңіз.
