Жібек жолының экономикалық белдеуі аясында ҚХР ШҰАӨ арқылы үш халықаралық автомагистраль өтеді

БЕЙЖІҢ. ҚазАқпарат - 2015 жылы Жібек жолының Экономикалық белдеуін жүзеге асыру аясында ҚХР Шыңжаң-ұйғыр автономиялық өлкесінде (ШҰАӨ) үш халықаралық тас жол магистралінің құрылысы басталады. Бұл туралы «Тяньшаньнет» ШҰАӨ көлік және коммуникация басқармасы басшысының орынбасары Ван Юнсюанға сілтеме жасап хабарлады.

Шыңжаң арқылы үш халықаралық автодәліз өтетін болады:

1) Солтүстік магистраль Тяньцзинь қаласынан басталады, кейін Бейжің қаласы, ішкі Моңғолия арқылы өтіп, Шыңжаңға кіреді: Иу (Аратюрюк) уезі, Бэйтунь қаласы, Зимунай уезі, ары қарай Қазақстан мен Ресейге барады. 2) Орталық магистраль - Шанхай қаласынан басталып, Шыңжаңдағы Қытайдың орталық және батыс аудандары арқылы өтеді: Хами (Кумул) қ. арқылы, Үрімжі, Цзинхэ уезі, КПП Алашанькоу немесе Қорғас арқылы Орталық Азия елдеріне, ары қарай Еуропаға өтеді. 3) Оңтүстік дәліз - Гуанчжоу қаласынан басталады, Хунань провинциясы арқылы, Чунцин қаласы, Сычуань провинциясы, Цинхай арқылы Синьцзяньға өтеді: Жоцян (Чарклык) уезі, Хотан қаласы мен Қашғар (Каши), Пәкістанға өтіп, ары қарай Гвадар портына дейін жалғасады.

Шыңжаң-ұйғыр автономиялық өлкесінің ресми өкілдері атап өткендей, аталған үш автомагистральдің құрылысының аяқталуы Шыңжаңның Жібек жолының экономикалық белдеуінің торабына айналуына септеседі.