Бразилияда су тасқынынан қаза тапқандар саны 78 адамға жетті

АСТАНА. KAZINFORM – Бразилияның оңтүстігіндегі Риу-Гранди-ду-Сул штатында толассыз жауған жаңбырдан болған су тасқыны салдарынан 78 адам қаза тауып, 115 мыңнан астам адам үйлерін тастап кетуге мәжбүр болды. Бұл туралы Reuters жазды.

Президент Луис Инасиу Лула да Силва жексенбі күні Риу-Гранде-ду-Сулға жергілікті билікпен құтқару және қалпына келтіру жұмыстарын талқылау үшін келді.

Су тасқыны құрбандарының саны әлі де өсуі мүмкін. Себебі жексенбі күні табиғи апат кезінде 105 адам із-түзсіз жоғалып кетті деп хабарланған болатын.  

Қазіргі уақытта құтқару жұмыстарына қатысып жүрген еріктілер қайықтар мен гидроциклдерді пайдаланып жатыр. 

Еске салсақ, бұған дейін Бразилиядағы су тасқынынан 39, кейін 56 адам қаза тапқанын жазған едік.