Қазақстандық «Барыс» командасы Құрлықтық хоккей лигасындағы кезекті ойынын елордада Ресейдің «Нефтехимик» (Нижнекамск) командасына қарсы өткізді, деп хабарлайды ҚазАқпарат тілшісі.
Кездесу барысында қазақстандық команда жинақы қимыл көрсетті.
Ойынның 1-минутында Джозеф Лабейт есеп ашса, одан кейін 3-минутта Нельсон Ножье басымдықты арттырды.
Ал 37-минутта Райли Барбер мергендік танытса, 43-минутта Понтус Оберг көздеген нысанадан мүлт кеткен жоқ.
Елордалық Джозеф Лабейт 46, Понтус Оберг 54-минутта екінші голын соқса, Всеволод Логвин 57, Дінмұхамед Қайыржан 58-минутта мергендік танытты.
Осылайша «Барыс қарсыласынан 8:0 есебімен басым түсті.
Енді елордалық клуб қатарынан үш ойынын сырт айдында өткізеді.
Алдымен 21 қыркүйекте Ресейде «Спартак» (Мәскеу) клубымен кездессе, одан кейін 23 қыркүйекте «Сибирь» (Новосібір), 25 қыркүйекте «Нефтехимик» (Нижнекамск) командаларымен шеберлік байқасады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.