1 ай бұрын қолға алынған бағдарлама қатысушылары 80 мың адамға жетті
Оның айтуынша, ағымдағы жылдың 1 наурызынан бастап Нәтижелі жұмыспен қамту және жаппай кәсіпкерлікті дамыту бағдарламасы жүзеге асырыла бастаған. Бүгінгі таңда бағдарламаға қатысушылардың саны 80 мыңға жетіп отыр. Олардың 50 пайыздан астамы - ауыл тұрғындары.
«Өткен 1 айдың ішінде республика көлемінде 31 мың азамат ашық ваканцияларға немесе тұрақты жұмысқа орналастырылып, 20 мыңға жуық жастар әлеуметтік жұмыс орындарына және жастар практикасына тартылды. Өздеріңізге белгілі, жаңа бағдарламаның мақсаты азаматтарды жаппай оқыту арқылы өздігінен жұмысқа тұруын қолдау немесе несие беру арқылы өз кәсібін ашуға жағдай жасау. Сондықтан бірінші кезекте облыс әкімдіктерімен бірге жаңадан ашылатын жұмыс орындарын анықтадық», - деді Тамара Дүйсенова
Айта кетейік, жаңа бағдарлама 15 пен 45 жас аралығындағы айына 60 мыңнан төмен табыс табатын өзін-өзі жұмыспен қамтығандарға, жұмыссыздарға және кәсіптік біліктілігі жоқ тұлғаларға жұмыс табуға немесе жаңа мамандықты меңгеруге көмектеседі. Қолдау шараларымен 550 мыңға жуық адам қамтылады деп күтілуде, олардың 84 пайызы ауыл тұрғындары болмақ.