АСТАНА. 26 қараша. ҚазАқпарат - 2012 жылдың 1 желтоқсанында дүние есігін ашқан барлық астаналық сәбилер Тұңғыш Президент күні мерекелік жазуы бар балалар комбинезонын сыйлыққа алады, деп хабарлайды елорданың ресми сайты.
«Бұл - олар өмір бойы сақтап қоятын шын мәніндегі естелік сыйлық болады. Біздің қазақта сәбидің ең тұңғыш киімін сақтап қоятын дәстүр бар емес пе?!», - деді Астана қаласы Денсаулық сақтау басқармасы бастығының орынбасары Гүлнар Төлегенова.
Сондай-ақ, ол комбинезонға ақын Марина Цветаеваның өлеңі жазылған мерекелік ашықхат та қоса берілетінін айтты.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.