Қазақстан территориясының басым бөлігінде ауа райы Об шығанағы аймағынан келетін циклонға байланысты болады. Елде тұрақсыз ауа райы сақталады, жауын-шашын (жаңбыр, қар) жауады.
Күндіз Шығыс Қазақстан облысының кей жерлерінде қар жауады. Республиканың кей жерлерінде жел екпіні 23-28 м/с дейін күшейеді. Тұман түседі, көктайғақ болады.
Солтүстік және шығыс өңірлерде жаяу бұрқасын көтеріледі. Тек оңтүстік-шығыста антициклон ықпалынан жауын-шашын болмайды.
Шығыс Қазақстан облысының кей жерлерінде жел екпіні 23-28 м/с жетеді, тұман түсіп, көктайғақ, жаяу бұрқасын соғады.
Ақмола облысының түнде басым бөлігінде жел екпіні - 23 м/с. Күндіз кей жерлерінде жел 15-20 м/с жетеді, кей жерлерде - тұман, көктайғақ, жаяу бұрқасын.
Солтүстік Қазақстан облысының кей жерлерінде жел қарқыны 25 м/с дейін күшейеді, тұман, жаяу бұрқасын болады.
Қостанай, Қарағаңды облыстарының кей жерлерінде жел жылдамдығы 15-20 м/с жетеді. Тұман, көктайғақ, жаяу бұрқасын күтіледі.
Павлодар облысында жел екпіні - 15-20 м/с. Кей жерлерде көктайғақ, жаяу бұрқасын болады.
Жамбыл, Түркістан, Батыс Қазақстан, Ақтөбе облыстарының кей жерлерінде желдің күші 15-20 м/с болады. Тұман түседі. Батыс Қазақстан облысының кей жерлерінде көктайғақ байқалады.
Түнде және таңертең Қызылорда облысының кей жерлерінде жел 15-20 м/с дейін күшейеді.
Маңғыстау, Алматы, Атырау облыстарында тұман түседі.