10 мың индонезиялық бір мезетте халық биін орындады

АСТАНА. ҚазАқпарат - Индонезиядағы Ачех провинциясының тұрғындары бір мезетте халық биін орындаған адамдар саны бойынша әлем рекордын орнатты.

Он мыңнан астам ер адам «Саманды» биледі. Әдетте мұндай шара  Мұхаммед пайғамбардың туған күнінің құрметіне және өзге де маңызды шараларға байланысты орындалады.

Уoutube-те жарияланған кадрдан жарқырай киінген мыңдаған адамдардың әуенмен үйлесімді билегені көрінеді. Индонезиялықтар «Саманды» сондай-ақ  «мың қолдың биі» деп те атайды. Мұны дәсүрлі түрде ер адамдар орындайды.