«Қазгидромет» РМК ақпараты бойынша, солтүстікте, солтүстік-батыста атмосфералық ағындардың өтуімен ауа райының тұрақсыз сипаты күтілуде, кей жерлерде қар жауып, бұрқасынды жел күшейеді.
Алматы, Жамбыл облыстарында кей жерлерде тұман түседі, Жамбыл облысында желдің екпіні 17-22 м/с-қа дейін күшейеді. Ақмола, Солтүстік Қазақстан, Батыс Қазақстан, Оңтүстік Қазақстан облыстарында кей жерлерде жел 15-20 м/с-қа дейін күшейеді, Ақмола, Солтүстік Қазақстан, Оңтүстік Қазақстан облыстарында бұрқасын көтеріледі. Маңғыстау, түнде Атырау облыстарында кей жерлерде жел 15-20 м/с-қа дейін күшейіп, тұман түседі. Күндіз Қостанай облысында кей жерлерде бұрқасындатып, желдің екпіні 18 м/с-қа дейін күшейеді, түнде және таңертең тұман түседі.