12 шілде күні елордада өтетін маңызды шаралар аңдатпасы

АСТАНА. ҚазАқпарат – «ҚазАқпарат» халықаралық ақпарат агенттігі 12 шілде күні Астанада өтетін мәдени және қоғамдық маңызды шаралар аңдатпасын ұсынады.

10.00-де Үкімет үйінде кезекті Үкімет отырысы өтеді.

Күн тәртібінде 2023 жылғы қаңтар-маусым айларындағы әлеуметтік-экономикалық даму қорытындылары және республикалық бюджеттің атқарылуы; «Тарифті инвестицияға айырбастау» бағдарламасын іске асыру; халықты жұмыспен қамтудың өңірлік карталарын жүзеге асыру мәселелері қаралады.

10.00-де Астана қаласы коммуникациялар қызметінде Астана қаласындағы еңбек заңнамасының сақталуы бойынша атқарылып жатқан жұмыстар туралы онлайн брифинг өтеді.

Спикер: Астана қалалық орта сапасы және бақылау басқармасы басшысының орынбасары Ерлан Исмағұлов.

Онлайн баспасөз конференциясы Астана қаласы коммуникациялар қызметінің Facеbook және Instagram парақшаларында тікелей эфирде өтеді.

12.00-де ҚР Президенті жанындағы орталық коммуникациялар қызметінде Павлодар облысының әлеуметтік-экономикалық дамуы туралы баспасөз мәслихаты өтеді.

Спикер: Павлодар облысының әкімі Асайын Қуандықұлы Байханов.

Көрсетілім сілтемелері: youtube, facebook.

19.00-де «Астана Опера» театрында Дж. Пуччинидің «Турандот» операсы қойылады.

19.00-де Жас көрермендердің музыкалық театрында «Шәмші» мюзиклі сахналанады.