«Мессенджерде тараған 15 қыркүйектен бастап балаларды қашықтан оқытуға жібереді және мекемелерде бетперде режимі енгізіледі деген ақпарат шындыққа жанаспайды» делінген хабарламада.
Жыл сайын эпидемиялық маусым кезеңінде профилактикалық және эпидемияға қарсы іс-шараларды өткізуді көздейтін ҚР Бас мемлекеттік санитария дәрігерінің қаулысы бекітіледі.
Қаулыға сәйкес, 15 қыркүйектен тұмауға қарсы вакцинация басталады. Бетперде режимі тек медициналық ұйымдардың қызметкерлеріне енгізіледі.
Қаулымен толығырақ ҚР ДСМ санитариялық-эпидемиологиялық бақылау комитетінің сайтында танысуға болады.
«Барлық азаматтарды ресми ақпарат көздеріндегі сенімді ақпаратқа сенуге шақырамыз» деп ескертеді комитеттен.