158 жыл бұрын Верный бекінісінің негізі салынды
08:51, 24 Қараша 2012
АСТАНА. 24 қараша. ҚазАқпарат - Бүгін 158 жыл бұрын, дәл осы күні, яғни 1854 жылдың 24 қарашасында Верный
(1921 жылдан бері - Алма-Аты, 1929-1997 жылдар аралығында Қазақстан Республикасының астанасы) бекінісінің негізі салынды.
Верный Алматы шатқалында орналасты. Бұған дейін бұл жерде орналасқан Алма-Аты (Алмалы) қонысының орнына қара-қырғыздардың шабуылынан қорғану мақсатында құрылды. Бекініс басында Семипалатинск облысы Алатау округінің әкімшілік орталығы болды. Кейін Түркістан әскери округінің бекітілуімен және Семиреченск облысының құрылуымен облыстың әкімшілік орталығы етілді және Верный қаласы атауына ие болды.