ОРАЛ. KAZINFORM – Қазақстандық теннисші, 16 жастағы Томирис Нұржан Алжирдегі ITF Juniors J60 турнирінде үздік шықты.
Қазақстан теннис федерациясынан мәлім еткеніндей, қазақстандық спортшы финалда ресейлік Варвара Виноградованы 5:3, 4:2, 12:10 есебімен ұтты.
Жарыс күрделі жағдайда өтті. Жаңбырдың салдарынан кесте бұзылды. Содан кейін корольдік отбасы мүшесінің өлімінен соң аза тұтуға байланысты ұйымдастырушылар шешуші матчтарды қысқартылған сет форматында өткізу туралы шешім қабылдады.
Томирис Нұржан Барселонада тұрады. Оның сіңлісі Мәриям да теннисші.
Еске сала кетейік, бұдан бұрын Жібек Құламбаеваның әлемдік рейтингіде жоғары көтерілгенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).