17 қарашада ел аумақтарының басым бөлігінде тұман түседі, көктайғақ, бұрқасын

АСТАНА. ҚазАқпарат - Бүгін, 17 қаңтарда республиканың оңтүстік аумақтарында тұрақсыз ауа райы сақталады, кей жерлерінде жауын-шашын жауады, Қазақстан территориясының қалған бөлігінде күннің ашық болуы күтілуде, деп хабарлайды Қазгидромет.

Республиканың кей жерлерінде тұман, көктайғақ, жаяу бұрқасын болуы ықтимал, жел 15-22 м/с  күшейеді. Жамбыл облысының кей жерлерінде тұман,  көктайғақ , бұрқасынмен бірге жел 15-20, екпіні 23 м/с күшейеді.

Қызылорда облысының кей жерлерінде тұман, көктайғақ, жаяу бұрқасын күтіледі, желдің жылдамдығы 15-20 м/с.-қа жетеді.

 Алматы, Атырау облыстарының кей жерлерінде тұман, көктайғақ болады.

Маңғыстау облысының кей жерлерінде тұман, көктайғақ, күндіз жел тұрып, екпіні 17-20 м/с күшейеді.

 Оңтүстік Қазақстан облысының кей жерлерінде тұман түседі, көктайғақ, жел 15-20 м/с күшейеді.

Павлодар, Қарағанды, Шығыс Қазақстан облыстарының кей жерлерінде тұман түсуі ықтимал.