17 сәуірде елдің басым аумағында жел күшейіп, жаңбыр жауады

НҰР-СҰЛТАН. ҚазАқпарат - 17 сәуірде атмосфералық ағындардың өтуіне байланысты республиканың басым бөлігінде жауын-шашын жауады, тек солтүстік батыста күн ашық. Кей жерлерде тұман, найзағай, бұршақ, көктайғақ, желдің күшеюі, оңтүстікте дауыл күтіледі, деп хабарлайды Қазгидромет.

Алматы, Қостанай, Солтүстік Қазақстан облыстарының кей жерлерінде тұман, көктайғақ, күндіз желдің жылдамдығы 23-28 м/с жетуі ықтимал.

Қызылорда облысының кей жерлерінде тұман, күндіз - найзағай, дауыл, желдің 15-20 м/с күшеюі күтіледі.

Қарағанды обласының кей жерлерінде тұман түседі желдің жыдамдығы 15-20 м/с жетіп, күндіз көктайғақ болады.

Атырау облысының кей жерлерінде найзағай күтіледі, жел түнде кей жерлерде 15-20 м/с, күндіз 18-23 м/с күшейеді.

Павлодар облысының кей жерлерінде тұман, күндіз желдің 15-20 м/с күшеюі мүмкін.

Шығыс Қазақстан облысының кей жерлерінде жел 15-20 м/с, түнде және таңертең тұман күтіледі.

Жамбыл облысының кей жерлерінде найзағай, күндіз желдің 15-20 м/с күшеюі ықтимал.

Түркістан облысында кей жерлерде найзағай ойнап, күн күркірейді. Батыс Қазақстан ​​облысының кей жерлерінде жел 15-20 м/с күшейеді.