АСТАНА. 10 шілде. ҚазАқпарат - «Протон-М» зымыран-тасымалдағышы құлағаннан кейінгі салдарын жою бойынша жұмыстар шілденің соңына дейін аяқталады. Бұл туралы бүгін Астанада ҚР Қоршаған ортаны қорғау вице-министрі Бектас Мұхамеджанов мәлім етті.
«Техникалық регламент бойынша жұмысты аяқтау үшін белгілі уақыт қажет және «Ғарыш-Экология» мамандары 10 күннің ішінде аталған жерде қосымша зерттеу шараларын жүргізеді. Менің ойымша, шілденің аяғына дейін біз бұл жұмысты тәмамдаймыз», - деді Б. Мұхамеджанов.
Сонымен қатар министрлік мәліметі бойынша 17 шілдеде «Протон-М» ЗТ құлауының себебін тергеудің алдын ала нәтижесі жарияланады.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.