Қазақстандық, 17 жастағы Асылжан Арыстанбекова Анталия (Түркия) ITF турнирін жеңіспен бастады, деп хабарлайды Kazinform.
WTA рейтингісіне әзірге ене қоймаған А.Арыстанбекова алғашқы айналымда әлемнің 743-ракеткасы, швециялық, 23 жастағы Лиза Заармен шеберлік байқасты.
Бірінші партияда Асылжан 6:2 есебімен басымдық танытты.
Екінші сетте есеп 3:2 болған мезетте Л.Заар матчты жалғастырудан бас тартты.
Асылжан Арыстанбекова ширек финалға шығу үшін әлемнің 701-ракеткасы, ресейлік Диана Демидова немесе италиялық Франческа Пейстің біреуімен таласады.
Еске сала кетейік, бұдан бұрын қазақстандық қос теннисшінің жасөспірімдер арасында Аустралия чемпионатында ойнайтынын жазған болатынбыз.
Осылайша Асылжан Арыстанбекова алдағы жыл басында жасөспірімдер арасында Аустралия ашық чемпионатына қатысады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).