АСТАНА. KAZINFORM – Қазақстандық теннисші, 17 жастағы Әмір Омарханов Монастир (Тунис) ITF M15 турнирінің ширек финалына жолдама алды.
Дүниежүзілік рейтингіде 1241-орында тұрған Әмір алдымен әлемнің 970-ракеткасы, германиялық Венсан Марысканы жолдан тайдырды – 6:3, 6:1.
Ә.Омарханов екінші айналымда әлемнің 622-інші, осы жарыстың 2-ракеткасы, тунистік Азиз Оуакамен шеберлік байқасты.
Бірінші партияда 6:3 есебі тіркелді.
Екінші сетте Әмір 3:0 есебімен жеңіп жатқан мезетте тунистік теннисші матчты жалғастырудан бас тартты.
Әмір Омарханов жартылай финалға шығу үшін рейтингіде 1430-сатыдағы германиялық Лука Виденманмен таласады.
Еске сала кетейік, бұдан бұрын Рыбакинаның Бейжіңдегі турнирдің екінші айналымында кіммен кездесетінін жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).