АСТАНА. ҚазАқпарат - Қазақстандық, 17 жастағы Аружан Сағындықова Анталияда (Түркия) өтіп жатқан ITF W25 турнирінің финалына шықты, деп хабарлайды ҚазАқпарат тілшісі.
Қазақстан теннис федерациясынан мәлім еткеніндей, Аружан қытайлық Ю-Юн Лимен бірге жартылай финалда қазақстандықтар Жанель Рүстемова - Сандуғаш Кенжебаевамен шеберлік байқасты.
Аружан мен Ли айқын басымдық танытты - 6:1, 6:3.
Ертең қазақстандық-қытайлық ресейліктер, апалы-сіңлілі Золотаревалармен бас жүлдені сарапқа салады.
Аружан жекелей сында ширек финалға дейін жетіп, тартысты матчта сербиялық Наталия Сеничке жол берді - 6:3, 1:6, 5:7.
Еске сала кетейік, бұдан бұрын қазақстандық теннисшілердің Түркиядағы турнирдің жартылай финалына шыққанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).