18 сәуір. Тұлғалар туған күн
Бүгін, 18 сәуір күні тұлғалардан кімдер дүниеге келген? Kazinform оқырмандарына есімдер күнтізбесін ұсынады.
ЕСІМДЕР
67 жыл бұрын (1959) Қазақстан Республикасы Парламенті Сенатының депутаты, Аграрлық мәселелер, табиғатты пайдалану және ауылдық аумақтарды дамыту комитетінің мүшесі Сұлтан Мырзабекұлы ДҮЙСЕМБИНОВ дүниеге келді.
Талдықорған облысы Гвардия ауданы Бостан ауылында туған. 1980 жылы Алматы архитектура-құрылыс институтын «құрылыс-инженері», 1992 жылы Қазақ мемлекеттік экономикалық университетін «экономист», 2019 жылы І. Жансүгіров атындағы Жетісу мемлекеттік университетін «заңгер» мамандықтары бойынша бітірді.
Еңбек жолын 1980 жылы Алматы қаласындағы «Казколхозспецстрой» тресінде бастаған. 1982-1991 жылдары Талдықорған ауданаралық сауда базасы құрылыс бригадасының прорабы, инженерлік-техникалық қызметі бойынша директорының орынбасары қызметтерін атқарды. 1991-1996 жылдары Талдықорған қаласындағы «Қаблан» жан-жақты сауда-құрылыс кәсіпорнының директоры, 1996-1998 жылдары Талдықорған облыстық әкімшілігі жанындағы облыстық экономикалық келісімді реттеу қоры директорының орынбасары, 1998-2001 жылдары Алматы облысы Ескелді ауданы әкімінің орынбасары, бірінші орынбасары, 2001-2011 жылдары Ескелді ауданының әкімі, 2011-2015 жылдары Қаратал ауданының әкімі, 2015-2017 жылдары Алматы облысы әкімі аппаратының басшысы болып қызмет атқарды. 2017-2020 жылдары Алматы облыстық мәслихатының хатшысы болды.
Қазіргі қызметін 2020 жылдың тамыз айынан бері атқарып келеді.
64 жыл бұрын (1962) Freedom QJ League президенті Рохус Рохусович ШОХ дүниеге келді.
Еңбек жолы: 1985-1988 жылдары кәсіби футболшы ретіндегі мансабы, 1991-1993 жылдары «Днепр» ФК бапкер-селекторы, «Ротор» ФК жаттықтырушысы, 1993-1995 жылдары «Ротор» ФК командасының жетекшісі, 1995-2004 жылдары «Ротор» ФК бас директоры, атқарушы директоры, 2004-2005 жылдары ЦСКА ФК техникалық директоры, 2005-2007 жылдары «Ростов» ФК бас директоры, 2008-2009 жылдары «Волгоград» ФК вице-президенті, 2010 жылы «Ротор» ФК спорт директоры, 2011 жылы «Орал» ФК спорт директоры, 2011-2015 жылдары «Ротор» ФК вице-президенті, 2012-2020 жылдары Волгоград облысы футбол федерациясының президенті, 2015-2017 жылдары «Орал» ФК спорт директоры, 2014-2022 жылдары Ресей футбол одағының Атқару комитетінің мүшесі, 2019-2022 жылдары RFU Grassroots футбол комитетінің төрағасы, 2022-2023 жылдары Қазақстан Кәсіпқой футбол лигасының президенті, 2023 жылы Қазақстан Жастар футбол лигасының президенті, 2023-2025 жылдары Қазақстан футбол федерациясының вице-президенті болды.
62 жыл бұрын (1963) Қарағанды облыстық сотының төрағасы Ерден Рауанұлы ӘРІПОВ дүниеге келді.
Алматы облысында туған. 1986 жылы С. М. Киров атындағы Қазақ мемлекеттік университетін заңгер мамандығы бойынша бітірген.
Еңбек жолын 1986 жылы бұрынғы Жезқазған облыстық атқару комитетінің нотариат бойынша Әділет бөлімінің аға кеңесшісі лауазымынан бастаған. 1991-1992 жылдары Жезқазған облыстық халық депутаттар Кеңесінің аға кеңесшісі болған. 1992-2000 жылдары дейін Қарағанды облысы Жезқазған қалалық сотының судьясы, 2000-2008 жылдары Қарағанды облысы Балқаш қалалық сотының төрағасы, 2008-2010 жылдары Қарағанды қаласы Қазыбек би ауданының № 2 аудандық сотының төрағасы, 2010-2012 жылдары Алматы қалалық сотының кассациялық сот алқасының төрағасы, 2012-2015 жылдары Қарағанды облыстық сотының қылмыстық істер жөніндегі апелляциялық сот алқасының төрағасы, 2015-2022 жылдары ҚР Жоғарғы сотының судьясы қызметін атқарды.
Қазіргі лауазымын 2022 жылдың наурыз айынан бері атқарып келеді.
«Құрмет» (2021) орденімен, «Қазақстан Конституциясына 10 жыл» (2005) медалімен марапатталған.
55 жыл бұрын (1971) «Өнеркәсіпті дамыту қоры» АҚ Басқарма төрағасы Ринат Эдуардович ГАППАРОВ дүниеге келді.
1993 жылы Әл-Фараби атындағы Қазақ ұлттық университетін заңгер мамандығы бойынша бітірген. 1993-1994 жылдары басқару, бақылау және есеп беру жүйесі: EUROCIS/ European Fund for Management Development, Франция, Италия, 2005 жылы Қ.И. Сәтбаев атындағы Қазақ ұлттық техникалық университетінің экономика факультетін тәмамдады.
Еңбек жолын 1995 жылы «ABN AMRO Bank Kazakhstan» ЖАҚ ЕБ-де бастады, онда тәуекел-менеджмент департаментінің бас менеджері, синдикатталған қарыздар бөлімінің бастығы, кастодиандық және тіркеу қызметтерін енгізу жөніндегі жобаның басшысы лауазымдарын атқарды. 2003 — 2007 жылдары «Қазавтотех» ЖШС («Техснаб-К» компаниялар тобы) директоры болып жұмыс істеді.
2007-2013 жылдары «Қазақстанның Даму Банкі» АҚ-да тәуекел-менеджмент департаментінің директоры, жобалау дирекциясының басшысы лауазымдарын атқарды. Жеке құрылымдарда қаржы директоры ретінде жұмыс тәжірибесі бар.
Қазіргі лауазымын 2023 жылдың қазан айынан бері атқарып келеді.
50 жыл бұрын (1977) Қазақстан Республикасы Денсаулық сақтау вице-министрі Тимур Мұратұлы МҰРАТОВ дүниеге келді.
Шығыс Қазақстан облысында туған. Семей мемлекеттік медицина академиясын «Емдеу ісі» мамандығы бойынша, Еуразия гуманитарлық институтын «Құқықтану бакалавры» мамандығы бойынша, Қазақстан медицина университетін «Қоғамдық денсаулық сақтаудың жоғары мектебі» мамандығы бойынша бітірген. Қоғамдық денсаулық сақтау магистрі академиялық дәрежесі бар.
Еңбек жолы: 2001 жылы № 6 Қалалық емхананың уролог дәрігері болып қызмет атқарды. 2001-2002 жылдары «Ақ Ниет» сауықтыру орталығы» жауапкершілігі шектеулі серіктестігінің уролог дәрігері, 2002 жылы № 6 Қалалық емхананың уролог дәрігері, 2002-2003 жылдары «Ақ Ниет» сауықтыру орталығы» жауапкершілігі шектеулі серіктестігінің уролог дәрігері, 2003-2004 жылдары ҚР Қорғаныс министрлігінің Бас әскери емханасы хирургия бөлімшесінің уролог дәрігері, 2004-2010 жылдары «Ұлттық ғылыми медициналық орталығы» республикалық мемлекеттік мекемесі Урология бөлімшесінің дәрігері, 2010-2012 жылдары «№ 2 қалалық аурухана» мемлекеттік коммуналдық қазыналық кәсіпорынның урология бөлімшесінің меңгерушісі, 2012-2015 жылдары «№ 2 қалалық аурухана» мемлекеттік коммуналдық қазыналық кәсіпорыны бас дәрігердің медициналық қызмет жөніндегі орынбасары болып қызмет атқарған. 2015-2017 жылдары № 2 Ақмола облыстық ауруханасының бас дәрігері, 2016-2017 жылдары «Ұлттық ғылыми медициналық орталық» Акционерлік қоғамының жалпы ауруханалық персоналдың уролог дәрігері (қоса атқарылатын жұмыс), 2017-2018 жылдары Астана қаласы Денсаулық сақтау басқармасы басшысының орынбасары, 2018-2019 жылдары «Қалалық жедел медициналық жәрдем станциясы» шаруашылық жүргізу құқығындағы мемлекеттік коммуналдық кәсіпорынның Бас дәрігері, 2019-2020 жылдары «Қазақстан Республикасы Президенті Іс Басқармасы Медициналық орталығының ауруханасы» Республикалық мемлекеттік мекемесі директорының бірінші орынбасары, 2020-2023 жылдары Астана қаласының Қоғамдық денсаулық сақтау басқармасының басшысы лауазымын атқарды. 2023-2024 жылдары ҚР Денсаулық сақтау министрлігі «Ұлттық шұғыл медицинаны үйлестіру орталығы» шаруашылық жүргізу құқығындағы республикалық мемлекеттік мекемесінің Басқарма төрағасы болды.
Қазіргі лауазымына 2024 жылғы қазанда болып тағайындалды.
«Астана 20 жыл»; «Ерен еңбегі үшін» медальдарімен марапатталған.
47 жыл бұрын (1979) Қазақстан Республикасының Ресей Федерациясындағы Төтенше және Өкілетті Елшісі Дәурен Әскербекұлы АБАЕВ дүниеге келді.
Алматы облысында туған. 2001 жылы әл-Фараби атындағы Қазақ ұлттық университетін үздік бітірген.
Еңбек жолы: 2001-2003 жылдары ҚР Сыртқы істер министрлігінде референт, атташе, үшінші хатшы, 2003 жылы ҚР Әзербайжандағы Елшілігінде үшінші хатшы, 2003-2007 жылдары Нидерланд Корольдігіндегі ҚР істері бойынша уақытша сенімді өкілі, екінші хатшы, 2007 жылы ҚР Сыртқы істер министрлігінің баспасөз қызметінде бөлім бастығы, 2007-2008 жылдары ҚР Президенті Протоколының бас сарапшысы, консультанты, 2008-2009 жылдары ҚР Президентінің баспасөз хатшысының орынбасары, 2009 жылы ҚР Президенті Әкімшілігінің мемлекеттік бақылау және аумақтық-ұйымдастыру жұмыстары бөлімінің мемлекеттік инспекторы, 2011-2016 жылдары ҚР Президентінің баспасөз хатшысы, кеңесшісі, 2016-2019 жылдары ҚР Ақпарат және коммуникациялар министрі, 2019-2020 жылдары ҚР Ақпарат және қоғамдық даму министрі. 2020-2022 жылдары ҚР Президенті Әкімшілігі Басшысының бірінші орынбасары, 2022-2023 жылдары ҚР Мәдениет және Спорт министрі, 2023 жылы ТМД Бас хатшысының орынбасары қызметтерін атқарды.
2023 жылдың шілде айынан бастап қазіргі қызметінде.
«Кұрмет» орденімен, мерекелік медальдармен марапатталған.