Қазақстандық спортші, 18 жастағы Аружан Сағындықова Монастир (Тунис) ITF турнирінің жеңімпазы атанды, деп хабарлайды ҚазАқпарат тілшісі.
Әлемнің 829-шы, осы жарыстың 3-ракеткасы А. Сағындықова финалда дүниежүзілік рейтингте 1 253-орында тұрған үндістандық Вайшнави Адкармен чемпиондық атаққа таласты.
Бірінші партия тартысты болып, тай-брейкте Аружан сәтті ойнады - 7:6 (8:6).
Екінші сетте қазақстандық жас теннисші қарсыласына еш мүмкіндік қалдырған жоқ - 6:0.
Сөйтіп, Аружан Сағындықова маңызды жеңісіне қол жеткізді.
Еске сала кетейік, бұдан бұрын Аружан Сағындықованың Тунистегі жарыстың финалына шыққанын жазған болатынбыз.
Сондай-ақ, Дэвис кубогінде Қазақстан Болгарияны ұтып, келесі кезеңге шықты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).