ҚР Ауыл шаруашылығы министрлігі баспасөз қызметінің хабарлауынша, бұл заң бұзушылық Ауыл шаруашылығы министрлігі Жер ресурстарын басқару комитетінің Жер ресурстарын басқару департаменті жүргізген тексеру нәтижесінде белгілі болды.
Еліміздің жер заңнамасына сәйкес, шаруа немесе фермер қожалығын жүргізу не ауыл шаруашылығы өндірісін жүзеге асыру үшін берілген жер телімдері пайдаланылмай жатқаны анықталған күннен бастап бір жыл ішінде нысаналы мақсатына сай пайдаланылмаса, заңда белгіленген тәртіппен мәжбүрлеп алып қоюға жатады.
-Анықталған заң бұзушылықты жою және заңдылықты қалпына келтіру мақсатында департамент Солтүстік Қазақстан облысының мамандандырылған ауданаралық экономикалық сотына жер учаскесін мәжбүрлеп алып қою туралы талап арыз берді. Сот департаменттің талап арызын толықтай қанағаттандырды. Нәтижесінде жер учаскесі мемлекет меншігіне қайтарылды,-делінген хабарламада.
Пайдаланылмай жатқан ауыл шаруашылығы жерлерін мемлекет меншігіне қайтару жұмыстары жалғасуда.
Осыған дейін Ақтөбеде құны 1,7 млрд теңгеден асатын жер учаскелері мемлекетке қайтарылғаны туралы жаздық.