Елімізде үстелге қойылатын желдеткіштердің бағасы 2 мыңнан 54 990 теңгеге дейін, ал еденге қойылатын үлгілердің құны 5 мыңнан 125 мың теңгеге дейін жетеді.
Ең арзан үстел желдеткіштері Қостанай мен Шымкентте сатылады. Мұнда олардың бағасы 2 мың теңгеден басталады. Қызылордада осындай құрылғыны 2,5 мың теңгеден, Таразда 3 мың теңгеден, ал Ақтөбе, Павлодар, Қарағанды және Талдықорғанда 4 мың теңгеден сатып алуға болады.
Ал ең қымбат үстел желдеткіштері Өскеменде тіркелген – мұнда олардың бағасы 54 990 теңгеге дейін барады. Одан кейін Семейде – 50 мың теңгеге дейін, Ақтау мен Оралда – 45 990 теңгеге дейін, Атырауда – 41 990 теңгеге дейін, Петропавл мен Жезқазғанда – 40 мың теңгеге дейін жетеді. Астанада ең қымбат баға 35 990 теңгені құраса, Павлодар, Қарағанды және Түркістанда – 30 мың теңге. Ал Шымкент, Қызылорда, Тараз, Талдықорған, Алматы, Көкшетау және Қостанай қалаларында баға диапазоны ең төмен деңгейде.
Еденге қойылатын желдеткіштердің ең төмен бағасы Таразда тіркелген, нақты айтқанда 5 мың теңгеден басталады. Одан кейін Павлодарда – 6,3 мың теңгеден, Ақтөбеде – 6,5 мың теңгеден, Қызылордада – 7 мың теңгеден, Түркістанда – 7,5 мың теңгеден, Талдықорғанда – 8,6 мың теңгеден сатылады. Ал Астана, Алматы, Ақтау, Орал, Өскемен және Семей қалаларында осындай желдеткіштердің бастапқы бағасы 8 990 теңгені құрайды.
Ең қымбат еден желдеткіштері Астанада сатылып жатыр. Мұнда жекелеген үлгілердің бағасы 125 мың теңгеге дейін жетеді. Алматыда ең жоғары баға – 120 990 теңге. Одан кейін Семейде – 90 мың теңгеге дейін, Өскеменде – 89 мың теңгеге дейін, Атырауда – 82 990 теңгеге дейін, Қонаевта – 74 мың теңгеге дейін жетеді. Қалған өңірлерде ең жоғары баға 20 мыңнан 66 мың теңге аралығында құбылады.
Осылайша, Қазақстан өңірлерінде желдеткіштердің бағасы айтарлықтай ерекшеленеді. Егер үстелге қойылатын ең қарапайым үлгілерді 2 мың теңгеге сатып алуға болса, премиум санатындағы модельдердің бағасы 55 мың теңгеге жуықтайды. Ал еденге қойылатын желдеткіштердің құны 5 мыңнан 125 мың теңгеге дейінгі аралықта.
Еске салсақ, осыған дейін Қазақстанда квасты, газдалған сусын мен суды қай қалада арзанға сатып алуға болатындығы жайлы жазғанбыз.