Жамбыл облысында тұман түсіп, көктайғақ болады, жел екпіні 23-28 м/с дейін жетуі мүмкін. Шығыс Қазақстан облысының кейбір жерлерінде де жел күшейеді. Павлодар, Қарағанды, Ақмола, Қостанай, Солтүстік Қазақстан облыстарының кей жерлерінде боран соғады, тұман түседі, көктайғақ болады, желдің күші 15-20 м/с жетеді. Алматы облысында да тұман түсіп, көктайғақ болады, жел күшейеді. Оңтүстік Қазақстан, Атырау, Ақтөбе, Қызылорда, Маңғыстау облыстарында 15-22 м/с дейін жел күшейіп, тұман түсіп, көктайғақ болады. Батыс Қазақстан облыстарының жекелеген аудандарында тұман түседі. Алдағы күндері оңтүстік, оңтүстік-шығыс өңірлерінің жекелеген өзендерінде ауа температурасының көтерілуіне байланысты біртіндеп мұз еруі мүмкін. Сырдария өзенінде, Оңтүстік Қазақстан, Жамбыл, Алматы және Шығыс Қазақстан облыстарының кей өзендерінде су деңгейінің тербелуі байқалуы ықтимал.
04:07, 20 Ақпан 2014
20 ақпанға арналған ауа райы болжамы
АСТАНА. ҚазАқпарат - Қазақстанның басым бөлігінде атмосфералық ағындардың өтуіне байланысты ауа райы тұрақсыз болады. Кей жерлерде қар түсіп, жел күшейіп, боран соғып, жер көктайғақтанып, тұман түсуі ықтимал, деп хабарлайды «Қазгидромет».