20 маусым күні Қазақстанның басым бөлігінде жаңбыр жауады

АСТАНА. KAZINFORM - Циклон мен онымен байланысты атмосфералық фронттардың әсерінен 20 маусымда еліміздің басым бөлігінде найзағай ойнап, жаңбыр жауады. Күндіз еліміздің солтүстік-батысында, солтүстігінде және оңтүстік-шығысында қатты жаңбыр жауып, бұршақ түсуі мүмкін.

«Қазгидромет» РМК мәліметінше, республика бойынша жел күшейеді. Солтүстік пен оңтүстікте шаңды дауыл соғады.

Сонымен қатар, мына өңірлерде жоғары өрт қаупі сақталады:

• Алматы облысы,

• Абай облысының солтүстігі мен шығысы,

• Павлодар облысының батысы мен оңтүстігі,

• Жамбыл облысының оңтүстігі мен солтүстігі,

• Батыс Қазақстан облысының батысы, шығысы және оңтүстік-шығысы,

• Ақмола облысының оңтүстігі мен шығысы,

• Солтүстік Қазақстан облысының оңтүстігі,

• Атырау облысының солтүстігі мен оңтүстігі,

• Маңғыстау облысының солтүстік-батысы, орталығы мен оңтүстігі,

• Шығыс Қазақстан облысының солтүстік-батысы.

Ал мына аймақтарда өте жоғары, төтенше өрт қаупі болжанып отыр:

• Жамбыл, Қызылорда, Түркістан, Ақтөбе, Қарағанды облыстары,

• Ұлытау облысы,

• Жетісу облысының солтүстігі, шығысы мен орталығы,

• Алматы облысының солтүстігі, батысы және орталығы,

• Атырау облысының шығысы мен орталығы,

• Маңғыстау облысының солтүстігі, шығысы және оңтүстік-шығысы,

• Павлодар облысының солтүстік-батысы және оңтүстік-шығысы,

• Қостанай облысының солтүстігі мен оңтүстігі,

• Батыс Қазақстан облысы,

• Абай облысының батысы, солтүстік-батысы және оңтүстігі,

• Шығыс Қазақстан облысының оңтүстігі мен орталығы.

Ауа температурасы да жоғарылайды.

• Жетісу облысында күндіз 35 градусқа дейін қатты ыстық күтіледі.

• Абай облысында 35–38 градусқа дейін,

• Шығыс Қазақстан облысының оңтүстігінде 37 градусқа дейін қатты ыстық болады.

Айта кетейік, Қанат Бозымбаев табиғи апаттардан тұрғын үйлерді міндетті сақтандыру жүйесін әзірлеу барысын тексерді.