АСТАНА. ҚазАқпарат - 20 жастағы қыз «Астана триумфы» тұрғын үй кешенінің 21 қабатынан құлады. Бұл туралы елордалық ішкі істер департаментінен хабарлады.
«Астана қаласы ІІД Жедел басқару орталығына куәгер азамат «Астана триумфы» тұрғын үй кешенінің 21-қабаттағы кіреберісі балконынан қыздың құлап түскенін хабарлады. Қаза болған қыздың аты-жөні анықталды. Ол - 20 жастағы Астана тұрғыны»,- делінген ІІД баспасөз қызметінің мәліметінде.
Қазіргі кезде бұл оқиғаның мән-жайы анықталуда. Осы бағытта тиісті тексеру жұмыстары басталып кетті.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.