Бұл жарыста «астаналықтар» ақтық сында көкшетаулықтарды («Энергетик» ) 3:1 есебімен ұтып жеңімпаз атанды. Ал үшінші орын үшін болған сайыста Ақмола облысы Жақсы ауылындағы Балалар мен жасөспірімдер спорт мектебінің (БЖСМ) командасы Степногорск қаласындағы Балалар мен жсасөспрімдер спорт мектебіндегі құрдастарынан 6:2 есебімен басым түсті. Қызылжар қаласының «Жеңіс», Зеренді кентіндегі БЖСМ-1 командасы, Омбы қаласының «Энергия», Зеренді кентіндегі БЖСМ-2 командасы 5-8 орындарды өзара бөлісті.
Онда Қайрат Тоқсанбаев жаттықтыратын «Астана» командасы алғашқы кезеңде де 7 кездесудің қорытындысы бойныша 16 ұпаймен үздік шыққан болатын. Айналым жүйесі бойынша өткен турнирде олар 5 ойында жеңіп, 1 ойында тең түсіп, бір ойында жеңілістің ащы дәмін татты. Бұл сайыстарда астаналықтардың намысын - Бақтияр Таукенов, Бекдос Мұхаметалим, Уәлихан Тюлюпов, Рахат Садығұлов, Илья Куценко, Марат Жүнісов, Алмас Құланов, Азамат Досов, Диас Мұратов, Ибрагим Камзев, Ихсан Чайа, Роман Хлевняк, Мадияр Мұсаев, Дәурен Баймұханов қорғаған.