Астана қаласы әкімдігінің баспасөз қызметі таратқан хабарламаға сүйенсек, ағымдағы жылдың 21 қазанында тұрғын үй комиссиясының кезекті отырысы өтіп, онда Сауран көшесі, 14 мекен-жайы бойынша орналасқан №5 тұрғын үй кешенінен баспана алатын өтініш берушілердің кандидатуралары бекітілді.
Әкімдіктің www. аstana.kz ресми сайтында «жас отбасылар», «мемлекеттік қызметкерлер» және «бюджеттік мекемелер мен әлеуметтік сала кәсіпорындарының қызметкерлері» санаттары бойынша пәтер алған азаматтардың тізімі орналастырылды.
Алдағы уақытта олар сату-сатып алу келісімін рәсімдеу үшін Астана қаласының Тұрғын үй басармасына шақырылатын болады.