деп хабарлайды ҚазАқпарат.
Еңбек және халықты әлеуметтік қорғау министрлігінің мәліметіне сүйенсек, мемлекеттік әлеуметтік жәрдемақылардың орташа мөлшері 2007 жылы - 8 мың 960 теңгені құраған. Жәрдемақының орта мөлшері 2008 жылы - 11 мың 984 теңгеге, 2009 жылы 13 мың 486 теңгеге көтерілген. Ал биыл 14 мың 594 теңге болып белгіленген.
Соның ішінде ел азаматтарының мүгедектігіне байланысты берілетін жәрдемақы 2007 жылы 9 мың 331 теңге болса, жыл сайын көтеріле келіп, үстіміздегі жылы 15 мың 603 теңге көлемінде анықталған.
Сол секілді асыраушысынан айырылған жандарға қарастырылған жәрдемақы үш жыл бұрын 8 мың 507 теңгені құраса, қазір 13 мың 042 теңге болған. Ал азаматтардың жасына байланысты белгіленетін жәрдемақы төлемі 2007 жылы 4 мың 431 теңге көлемінде болған, ал биыл 7 мың 476 теңге шамасында анықталып отыр.