2008 жылы еліміздегі туристік қызметтен түскен пайда 66 млрд. теңгені құрады

АСТАНА. Мамырдың 1-і. ҚазАқпарат /Қанат Мәметқазыұлы/ - 2008 жылы еліміздегі туристік қызметтен түскен пайда 66 млрд. теңгені құрады. Бұл 2007 жылғы көрсеткішпен салыстырғанда 22,6 пайызға артық.

Бұл туралы ҚазАқпарат Статистика агенттігінің баспасөз қызметіне сілтеме жасап хабарлайды. Агенттік мәліметтеріне сүйенсек, елімізге демалу мақсатында шетелден келген туристер жалпы туристердің 35 пайызын құраған. Іскерлік мақсатта Қазақстанға келгендер 58,5 пайызға тең болып отыр. Ал 2008 жылдың қорытындысы бойынша шетелге шыққан қазақстандықтардың саны 2007 жылмен салыстырғанда 8,2 пайызға төмендеген. Еліміздің ішкі аумақтарында саяхат жасаған қазақстандықтар 3,8 пайызды құраса, сыртқы туристік ағымдар 3,5 пайыз болып отыр.