деп хабарлайды ҚазАқпарат.
«2010 жылы «Альянсқұрылысинвест» барлығы 3871 пәтердің кілтін тапсыруды жоспарлап отыр. Олардың 1335-і елордада және 2536-сы Астана маңындағы «Лесная поляна» тұрғын үй кешенінде орналасқан. Ал 2011 жылы 1458 пәтердің құрылысын аяқтау жоспарлануда», - деді Д.Ыбраева.
Таратылған мәліметтерге қарағанда, Астана маңындағы «Лесная полянаның» үшінші кезегіндегі №10-11-ші үйлердің пәтерлері биылғы жылдың шілде айында, ал 12-ші үй тамыз айында тапсырылатын болады. Сондай-ақ осы тұрғын үй кешенінің 4-ші және 5-ші кезектерін жыл соңына дейін аяқтау көзделіп отыр. Ал «Грация» тұрғын үй кешенінің 1-ші кезегі 2010 жылдың шілдесінде аяқталады.
«Біздің бірлестік 2009 жылдың қарашасында құрылды. Негізгі жұмысымыз - аяқталмаған нысандарға көмек көрсетіп, «Самұрық-Қазына» Жылжымайтын мүлік қоры» АҚ мен «АТФ Банк» АҚ тарапынан бөлінген қаржының игерілуіне бақылау жасау. Бүгінгі күні астанамызда ең бірінші болып пәтер кілттерін тапсыра бастаған «Альянсқұрылысинвест» компаниясы,- деді бірлестік төрағасы. Осы орайда ол құрылыс жұмыстарын жандандыруға қолдау көрсеткені үшін мемлекетке бірлестік атынан алғысын білдірді.