деп хабарлайды ҚазАқпарат.
Израиль, Швеция, Черногория, Болгария футболшыларымен бір топта өнер көрсетіп жатқан ел құрамасы қазір 5 ойыннан кейін 4 ұпаймен үшінші орында келе жатыр. Олар бұған дейін наурыздың 29-ы күні сырт алаңда Израиль құрамасымен (1:1) тең ойнап, өз алаңында сәуірдің 2-сі күні Болгариядан (2:0) басым түсті. Сондай-ақ маусымның 7-сі күні өз алаңында черногориялықтарға (0:2), қыркүйектің 4-і күні сырт алаңда болгарлықтарға (3:0), ал қыркүйектің 9-ы күні өз алаңында израильдіктерге (1:2) есе жіберіп алды.
Қазақстандықтардың ендігі қарсыласы бұған дейін қыркүйектің 4-і күні сырт алаңда Черногория футболшыларын - 0:2, ал қыркүйектің 9-ы күні өз алаңында Болгарияны 2:1 есебімен ұтқан болатын. Отандық аяқ доп шеберлері швециялықтармен өтетін бұл кездесуден кейін сырт алаңда қазанның 14-і күні Черногория және қарашаның 15-і күні Швеция футболшыларымен қарымта ойындарын өткізеді.