Бұл туралы ҚР Денсаулық сақтау министрлігінің баспасөз қызметінен мәлім етті.
Бұған дейін санитарлық құжатты рәсімдеу үшін нысандарды немесе көлік құралдарын ҚР Денсаулық сақтау министрлігі Мемлекеттік санитарлық-эпидемиологиялық қадағалау комитетінің аумақтық бөлімшелері тексеріп, акті толтырып, зертханалық-құралдық тексерулер жүргізетін. Санитарлық-эпидемиологиялық талаптарға сәйкестігін Санэпид сараптама орталықтары атқарып келді.
Зертханалық тексерулерге кететін шығын өтінім берген тарапқа жүктеліп келді. Көлік құралдарына берілетін санитарлық құжаттың жарамдық мерзімі 1 жыл, ал қадағалау нысандарына берілетін құжат мерзімі 2 жылды құрады.
Енді аталған нысандар мен көлік құралдарын пайдалану құқығы осыған дейін берілген санитарлық-эпидемиологиялық қорытынды негізінде берілетін болады.
Жеке кәсіпкерлер мен заңды тұлғалар санитарлық-эпидемиологиялық қадағалау нысандары мен көлік құралдарының қауіпсіздігі үшін өздері жауап береді. Және ол коммерциялық мақсатта және азаматтарды, азық-түлікті, өндірістік шикізатты, шаруашылық ауыз суды, химиялық, улы, радиациялық қауіпті заттарды темір жол, автомобиль, әуе және теңіз көлігімен жүзеге асыратын кәсіпкерлерге қатысты болады.