деп хабарлайды ҚазАқпарат sport.gazeta.kz сайтына сілтеме жасап.
Халықаралық Олимпиада комитетінің Бағдарламалық комитеті бұл ұсынысты осы айда Берлинде өтетін отырысында қарайды. Ал осы мәселеге байланысты нақты шешімді ХОК Атқару комитеті ағымдағы жылдың қазан айында шығарады.
Естеріңізге сала кетейік, бұған дейін әйелдер боксын Бейжіңде өткен Олимпиадалық ойындарға қосуға талпыныс жасалып, бірақ сәтсіздікке ұшыраған еді. Ол кезде ХОК әйелдер боксы әлемде кең тарай қойған жоқ деп есептеген болатын. Егер осы жолы аталған комитет оң шешім шығарса, онда 2012 жылғы Олимпиадалық ойындарға әйел боксшыларды біліктілік жағынан іріктеу 2010 жылы қазанда Барбадоста өтетін әлем чемпионаты болатыны анық.