Өткен айда республика бойынша орта есеппен бағаның төмендеуі картопқа 10,7%, жаңа жиналған көкөністерге - 8,4%, жаңадан жиналған жемістерге - 2,6%, қарақұмық жармаға - 0,9%, құмшекерге - 0,5%, күнбағыс майына 0,3%-ға тіркелді.
- Бағаның өсуі жұмыртқаға 3,7%, күрішке - 2,2%, ұнтақ жармаға - 1,8%, шикі сүтке - 1,5%, сүзбеге - 1%, сұлы жарма, айранға - 0,8%-дан, арпа жармаға - 0,7%, шай, ет және құс етіне - 0,6%-дан, кондитерлік өнімдерге 0,3%-ға белгіленді.
- «Бағалар қатты отынға 0,5%, газеттер және мерзімдік басылымдарға - 0,4%, киім және аяқкиімдерге - 0,3%, фармацевтикалық өнімдерге 0,2%-ға өсті. Дизель отыны - 0,3%, бензин 0,2%-ға қымбаттады», - делінген хабарламада.
- Баға деңгейі білім беру қызметтеріне 4,1%, денсаулық сақтау - 3,1%, мейрамханалар мен қонақ үйлердің - 0,5%, демалыс, ойын-сауық және мәдениет саласындағы қызметтерге - 0,4%, шаштараздар мен жеке қызмет көрсету орындарының қызметтеріне 0,3%-ға жоғарылады, ал алыс қашықтыққа қатынайтын жолаушылардың темір жол көлік қызметтеріне 1,6%-ға төмендеді.
- Тұрғын үй-коммуналдық қызметтер саласында тарифтер тұрғын үйді күтіп ұстауға - 0,8%, оны жалға беру 1,4%-ға өсті.