АСТАНА. ҚазАқпарат - 2014 жылы Астанада лауазымды тұлғалардың заңсыз іс-қимылдарына қатысты жемқорлық бойынша 95 қылмыстық іс қозғалды. Бұл жайында бүгін ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Астана қаласы бойынша департаментінің басшысы Дулат Әзбергенов мәлім етті.
«Егерде өткен жылы Астанада заңсыз іс-қимылдар фактісі бойынша лауазымды тұлғаларға қатысты 95 жемқорлық қылмыстық істер қозғалса, ал 2015 жылдың бір айында шенеуніктерге шағымданған азаматтардан 164 арыз түсті», - деді ол елорда әкімдігінде өткен мемлекеттік органдар көрсететін қызметтердің сапасы мәселесіне арналған семинар-кеңесте.
Департамент басшысы мемлекеттік қызметтерді көрсетудің сапасы мәселесіне әрбір орган назар аударуы тиіс екенін атап өтті.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.