«Климаттың ахуалы» деп аталатын жыл сайынғы баяндаманы дайындауға 60 елдің 450 ғалымы қатысты. Ондағы мәліметтерге сүйенсек, өткен жылы ауадағы парникті газдардың шоғырлануы 58 жылда ең жоғары деңгейде болды, деп хабарлайды ТАСС .
Жердің жоғары қабатының температурасы соңғы 30 жыл ішіндегі орташа көрсеткішпен салыстырғанда бір жылда 0,45 - 0,56 градусқа жоғарылады. Онымен қоса, әлемдік мұхиттың рекордты жоғары деңгейі тіркелді. Ол алғашқы зерттеулер өткізілген 1993 жылмен салыстырғанда 82 мм-ге көтерілді.