Оның айтуынша, ағымдағы жылы ауыл шаруашылығы жалпы өнімінің көлемі 3,5 пайыздық деңгейге өсетіні болжанады. 2016 жылы өнеркәсіп өндірісі 2,0 пайызға төмендеуі де қарастырылған.
«Бұл негізінен тау-кен өнеркәсібінің 5, қайта өңдеу өнеркәсібінің 1,4 пайызға қысқаруы салдарынан орын алмақ. Сонымен қатар, 2016 жылы елімізде мұнай өндіру 74 млн. тоннаны құрайтын болады. Ал Ұлттық банктің болжамы бойынша 2016 жылы инфляция 6,0-8,0 пайыз дәлізінде болжанады. Бұл бұған дейінгі бекітілген көрсеткішке сай келеді», деді Е. Досаев.